МИСИЈА

Стопанската Kомора за Туризам на Македонија e Kомора што ќе се фокусира во поддршка, промоција и развој на туризмот како индустриска гранка. Изложени на светска конкуренција, на разни притисоци и промени на трендовите стопанствениците- туристичките работници, се преориентирани кон користење на нови методи на работа. Се стремиме за подобрување на бизнис-климата и со тоа остваруваме услови за зголемен раст на бизнисот на стопанствениците-туристички работници, а со тоа и зголемување на работни места во секторот туризам.
Целта на СКТМ е поттикнување, поддршка на локални, национални и меѓународни иницијативи за унапредување на оддржливиот развој на туризмот во Република Македонија.

За остварување на целите и задачите, СКТМ ги мобилизира и организира туристичките работници на Република Македонија.

СТРАТЕШКИ ЦЕЛИ, СЕКТОРИ И МЕТОДИ

Стратешки цели:

• Промоција на туризмот;
• Пратење и предлагање на законска регулатива заради подобрување на амбиентот во туризмот во Р.М. како и усогласување со ЕУ-стандардите;
• Сугестија, мислења и анализа на стратегијата за туризмот во Р.М;
• Градење на ефикасен туристички сектор, јакнење и поврзување на институциите кои се неопходни за развој на туризмот;
• Јакнење на човечките потенцијали и техничка помош за развој на туризмот;
• Регулатива за контрола и анализа на лиценци за работа во туризмот;
• Стимулација и промоција на Јавно Приватно Партнерство (PPP);
• Активности поврзани со сите видови на туризам;
• Примена на Информатичката технологија во Туризмот

СКТМ е составена од следниве сектори:

• Сектор за Туристички агенции;
• Сектор за хотелиери и угостители;
• Сектор за превозници;
• Сектор за туристички здруженија и образовни институции;
• Сектор-Регионални канцеларии

СКТМ активностите ќе ги остварува преку:

• лобирање и реализација;
• информирање;
• обуки и совети;
• работа на проекти;
• организирање на семинари